nuvvu chenta lEni kshaNam

నువ్వు చెంత లేని క్షణం సంతోషం దరికి చేరనంటోంది
సంతోషం దూరమైన క్షణం మనసు మూగబోతోంది
మనసు మూగబోయిన క్షణం నా కలం కదలనంటోంది
కలం కదలని క్షణం మౌనమే ఒక కవితై నిన్ను రమ్మంటోంది
నేస్తమా నన్ను చేరి నా సంతోషాన్ని నాకు అందించవా

ninnu kalisE okka kshaNam kOsam

నిన్ను కలిసే ఒక్క క్షణం కోసం
ఏన్నో క్షణాలు ఎదురు చూస్తున్నా
నీకు నచ్చే కవిత కోసం
ఈ అక్షరాలను పదాలుగా మారుస్తున్నా
నీతోడుగా నేను మారడం కోసం
నన్ను నీ నీడల మార్చేస్తున్నా

kannula nunchi

కన్నుల నుంచి కలలను దూరం చేసే వరమే కోరావె
నీ ఊహల నుంచి నా ఊపిరినే దూరం చెయ్య మంటున్నావె
నీ నీడలా సాగే నా పయనం ఇంక ఆపేయ మంటున్నావె
నీ ఊహలతో నిండిన నా కలల తోడు లేని క్షణం
నేను లేను అని ఎలా తెలుపమంటావె

kalalaa nannu taDiminaa

కలలా నన్ను తడిమినా,
కలవరమై నన్నే కాల్చినా
కవితల్లే నిన్ను మలచనా,
నా మదిలోనే నిన్ను దాచుకోనా   

nee talapule kavitalai

నీ తలపులే కవితలై
నా మదిని తడిమిన క్షణం
చిరుగాలినై నిన్ను చేరాలని
నా ఇష్టాన్ని నీ ముందు ఉంచాలని
ఆ క్షణం నీ కళ్ళల్లో కదిలే భావాలను
చదవాలని నా మది ఆరాటపడుతోంది నేస్తం

nee chirunavvula vennela

నీ చిరునవ్వుల వెన్నెల కోసం
నేనో సాగరం లా వేచి చూస్తున్నా
నా కలల కౌగిలిలో నిన్ను దాచేందుకు
నేనో అలనై నిన్ను చేరుతున్నా
సిరివెన్నెలలు కురిపించు నెస్తం
నీకూ నేను అంటే ఇష్టమే అని తెలిపి

naa prati adugu venta

నా చిరునవ్వు నీ పెదవుల్లో చూస్తున్నా
నా కలలను నీ కళ్ళలో చూస్తున్నా
నా ప్రతి అడుగు వెంటా నీ నీడ చూస్తున్నా
నా మనసు జాడ కోసం నీ మనసులో వెతుకుతున్నా