nuvvu vennelavani

నువ్వు వెన్నెలవని తెలిసి
నేను నిశి రాతిరిలా ఎదురుచూస్తున్నా
నువ్వు నదివని తెలిసి
నేను కడలినై కదలి వస్తున్నా
నువ్వు కలవని తెలిసి
నా కనుపాపల్లో నిన్ను దాచుకుంటున్నా
నువ్వు రావని తెలిసినా
వెన్నెల నదివై నా మదిని చెరవా నేస్తం అని
ఒక కవితనై నిన్ను పిలుస్తున్నా

naalo ne

నాలోనే నువ్వు ఉన్నా
నీకోసం వెతుకుతున్నా
మౌనమే నీ భాష అని తెలిసినా
నీ మాటల కోసం వేచిఉన్నా
నువ్వు నా సొంతం అని తెలిసినా
ఈ కలవరం ఎందుకో తెలియదు నేస్తం

nee perulone

నీ పేరులోనే ఎదో మాయ ఉందే చెలీ
నువ్వు నా పక్కనే ఉంటే నా ప్రతీ మాటా
ఓ కవితలా మారిపోతోందే నేస్తం
నీ కళ్ళలోకి నేను అలా చూస్తూ ఉంటే
కరిగిపోయే కాలం గురుతుకు రావటం లేదే
నన్ను వదిలి నువ్వు వెళ్ళే క్షణం
నా ప్రాణం నీ నీడలా మారి నీ వెంటే వచ్చేస్తోందే

ninnela adigedi

నేస్తమా నిన్ను తలవని క్షణం లేదని నీకెలా తెలిపేది
నువ్వు లేని క్షణం నేను లేనని నీకెలా తెలిపేది
నీ నీడలా నన్ను ఎందుకు మర్చావు అని నిన్నేలా అడిగేది
నువ్వు నాదానిలా ఎప్పుడు మారిపోతావు అని నిన్నేలా అడిగేది

O saari

కన్నులు తెరిచి ఓ సారి చూడు నేస్తం
నీకోసమే ఎదురు చూస్తోంది నా హ్రుదయం
నన్ను తాకే ఈ చిరుగాలిని సైతం
నీ పలకరింతలా తలచి మురిసిపొతోందే అది
నువ్వు వచ్చే ఆ క్షణం ఎప్పుడు అని
నన్ను పదే పదే అడుగుతోందే నా మది
ఓ సారి కనిపించవా నా మనసుని మైమరపించవా

karigi povalani

వెన్నెల శిల్పం నా చెలి రూపం
తను చెంతకే వచ్చి చెయ్యి అందిస్తే
సాగిపోదా నా జీవిత పయనం
తను పంచే స్నేహం ఒక అమృత వర్షం
కరిగి పోవాలని ఉంది ఆ జడిలో అనుక్షణం

naa tapana neeku telustundi

మొదటిసారి మాటలు రావడం లేదు నేస్తం నా ఊహలను నీతో పంచుకుందామంటే
నీకోసం పరుగులు తీస్తున్న నా ఎద సవ్వడిని విను
నువ్వు నీ చిరునవ్వు ఎలా నా గుండెల్లొ నిండిపోయాయొ నీకు తెలుస్తుంది
నిన్ను చూడగానే మెరిసే నా కన్నులను చూడు
నీ స్నేహం నేను పొందానన్న పట్టరాని నా ఆనందాన్ని అవి నీకు తెలుపుతాయి
నా కవితల్లోన్ని ప్రతీ అక్షరం నువ్వు తడిమి చూడు
నువ్వు నాకు సొంతం అవ్వాలని నేను పడే నా తపన నీకు తెలుస్తుంది

swapnam la

స్వప్నంలా కలిసావు
కవితల్లే మారావు
ఇది నిజమని నమ్మే వేళకు
ఎందుకు కనుమరుగైపొతున్నావు

nee oopiri

ప్రతీక్షణం నీ రాకకై వేచి చూసే నాకు
నువ్వు వస్తున్నావని తెలిసేదెలా అనుకున్నా
ఆ చిరుగాలి చెప్పింది నువ్వు ఎక్కడ ఉన్నా
నీ ఆలోచనల్లొ నేనే నిండి ఉన్నానని
ఈ చల్లగాలి స్పర్సలో నీ వెచ్చని ఊపిరి
నన్ను తాకిన క్షణం తెలిసింది నేస్తం
అది నిజమని నీ ఊపిరి నెనేనని

neeku dooramga

నువ్వు నా వెంట రావని తెలిసినా
నీ నీడలా నేను ఎందుకు మారిపోతున్నా
నువ్వు నా సొంతం కాలేవని తెలిసినా
నీకు దూరంగా వెళ్ళలేకపోతున్నా

maru janma

నేస్తమా నా ప్రాణం నువ్వేనంటు నీకెలా చెప్పేది
నా మనసులో దాచుకున్న నీ రూపాన్ని నీకెలా చూపేది
నేను ఉండేది ఊహల్లోనే అయిన నీతో స్నేహం నిజమని ఎలా తెలిపేది
మరు జన్మకైనా నువ్వు నాకు సొంతం అవుతవా అని నిన్నెలా అడిగేది