naato nuvvu unna prati kshanam

చెలి ఆ నింగి నుండి జారుతున్న ఒక్కో వాన చినుకుని
నా చేతులతో పట్టి ఓ కవితలా మార్చి నీకు అందించాలని ఉందే
నీ ప్రతీ సంతోషంలో నీ తోడు నేను కాకపోయినా
నాతో నువ్వు ఉన్న ప్రతిక్షణం నీకు సంతోషాన్ని అందించాలని ఉంది నేస్తం

naalo santosham

చెలి నీ తలపులు నన్ను తాకిన ప్రతిసారీ
నీ చెంత చేరాలని, నిన్ను చూడాలని అనిపిస్తుందే
నీ చెంత నేను ఉన్న ప్రతిసారీ
నాలో సంతోషం అప్పుడే జన్మించిందా అనిపిస్తుందే

nee kannula nundi jaarina

చెలి నీ కన్నుల నుండి జారిన ఆ నీటి ముత్యాలు
ఎందుకు నా మనసులో అలజడిని రేపుతున్నాయి
ఆ క్షణం గుర్తుకువచిన ప్రతీ సారి నిన్ను చూడాలి అని
నిన్ను నా గుండెలకు హత్తుకోవాలని ఎందుకు నాకు అనిపిస్తోంది

nee chiru navvu

చెలి నీ చిరునవ్వు నేర్పింది నాకు
మనసులోని భావాలు పెదవుల చాటున దాచెయ్యడం
నీ కనుపాపలు నేర్పాయి నాకు
కళ్ళల్లో కదలాడే ఆశలను ఆ రెప్పల మాటున దాచెయ్యడం
మరి నీ మనసు ఎన్నటికి నేర్పుతుందో
నీతోడు లేకుండా జీవించటం

nee manasuni

చెలియా నీ మనసుని గాయపరిచానని తెలుసు
గాయపడినా చిరునవ్వుతో నన్ను క్షమించే మనసు నీకు ఉన్నా
నీకళ్ళల్లోకి చూసి మన్నించు నేస్తం అని అడగలేక పోతున్నా
ఈక్షణం నా కన్నుల్లో కనిపించే కన్నీటి సాక్షిగా చెప్తున్నా
నాలో ఉన్న నీ మనసుని కంటికి రెప్పలా చూసుకుంటా అని

naa gunde chappude

నా గుండె చప్పుడే నాకు తోడు,నా నేస్తం నన్ను కలువకముందు
ఆనందం అన్నది ఒక కలగానె తెలుసు నాకు,తన స్నేహం నేను పొందకముందు
ఎన్నో మధుర క్షణాలు నాప్రియ నేస్తంతో పంచుకున్నా
తను చెంత లేని మరు నిముషం నేను ఒంటరిని అయ్యిపోతున్నా
నా చెలిని చేరుకోవాలి అని తన నీడ వెనుకనే నే పయనిస్తున్నా