naa prati adugu venta

నా చిరునవ్వు నీ పెదవుల్లో చూస్తున్నా
నా కలలను నీ కళ్ళలో చూస్తున్నా
నా ప్రతి అడుగు వెంటా నీ నీడ చూస్తున్నా
నా మనసు జాడ కోసం నీ మనసులో వెతుకుతున్నా

naakosam nene

నేస్తం నా చెంత నువ్వు లేని క్షణం
నాకోసం నేనే వెతుకుతున్నా
నీ జ్ణాపకాల ఒడిలో కరిగిపోతున్న
ఈ కాలాన్ని ఆపలేకపోతున్నా

manase naaku ledemo

గుండె రాయిలా మరిపోయిందేమొ అనిపిస్తోందే
నిన్ను అది మరచిపోమన్నప్పుడు
మనసే నాకు లేదేమొ అనిపిస్తోందే
నిన్ను చూడకుండ ఉండమన్నప్పుడు
నేనే నేనుగా ఇక లేనా అనిపిస్తోందే
నీ నుండి దూరం అయ్యిపోతునప్పుడు

idi kala kaadannadi

నిజమేనా ఇది కలకాదన్నది నిజమేనా
నువ్వు నా నువ్వు అయ్యావన్నది నిజమేనా
నీ శ్వాసగా నేను మారిపోయా అన్నది నిజమేనా
నన్ను ఇక నువ్వు విడిపోవు అన్నది నిజమేనా

nuvvu evarani adige naa kalalaku

తనలో నిండిపోయిన నువ్వు ఎవరని అడిగే నా కలలకు ఏమనిచెప్పను
నిన్ను చూడగానే ఎందుకీ చిరునవ్వు అని అడిగే నా పెదవులకు ఏమనిచెప్పను
నిన్ను చూడాలనే ఈ ఆరాటం ఎందుకని అడిగే నా కనులకు ఏమనిచెప్పను
నాకన్నా ఎక్కువగా తనను అర్దం చేసుకున్న నువ్వు ఎవరని అడిగే నా మనసుకి ఏమనిచెప్పను

nee talapulu

చెలి నీ తలపులు నన్ను తాకిన ప్రతిసారీ
నీ చెంత చేరాలని, నిన్ను చూడాలని అనిపిస్తుందే
నీ చెంత నేను ఉన్న ప్రతిసారీ
నాలో సంతోషం అప్పుడే జన్మించిందా అనిపిస్తుందే
ఆ క్షణం అలా నీ ఒడిలో ఒదిగిపోవాలి అనిపిస్తుందే

naa manasu cheppe oosulu

చెలి నా కన్నుల ముందు నువ్వు ఉన్న క్షణం
నా కళ్ళల్లో ఉన్న ఆశలు నీకు కనిపించాయా
మౌనమే నీ బాష అయిన ఆ నిమిషంలో
నా మనసు చెప్పే ఊసులు నీకు వినిపించాయా

nee manasulo nenu lenu

నీ మనసులో నేను లేను అని నువ్వు అన్న ఆ మాటలు
నా నుంచి నన్నే దూరం చేసినట్టు ఉన్నాయి నేస్తం
తరిమే నీ ఊహల నుంచి దూరంగా వెళ్ళాలని ఉన్నా
నా మనసులో ఉన్న నిన్ను వదిలి నేను వెళ్ళలేకపోతున్నా

naa cheli aligina vela

నా చెలి అలిగిన వేళ
నేనో కవితలా మారి అలక తీర్చనా
నా చెలి చిన్నబుచ్చుకున్న వేళ
నేనో చిరునవ్వులా మారి తన పెదవిని చేరనా
నా చెలి మౌనంగా ఉన్న వేళ
నేను నేస్తంలా మారి తన మనసుని చదవనా

naalo unna neeto

సంతోషాన్ని పరిచయం చేసిన నా నేస్తమా
ఈక్షణం నువ్వు ఎక్కడా అని వెతుకుతున్నా
నా కళ్ళముందుకు నువ్వు వచ్చే దాకా
నాలో ఉన్న నీతో కలిసి నీ రాక కోసం ఎదురుచూస్తూ ఉంటా

Nee Manasu

నా చెంత నువ్వు ఉన్నా ఈ క్షణం ఎందుకు నేను ఒంటరిని అయ్యాను
అని నీ మౌనాన్ని అడిగాను
పెదవుల పైన చిరునవ్వు ఉన్నా ఎందుకు నా కళ్ళల్లో ఈ కలవరం
అని నీ కన్నులను అడిగాను
కాలం మన మధ్య దూరంగా మరుతుందా అని చిన్న భయం
నాలో ఉందని నా ప్రశ్నలకు బదులుగా నీ మనసు చెప్పింది నేస్తం